manimanshahnshika

કડીનગર એટલે સંતોની, સર્જકોની ભૂમિ. અહીંની પુનિત ભૂમિને પ્રાત:-સ્મરણીય પૂ. શ્રીદેવીબા, પૂ.શિવગુરુજી, તેમજ પૂ. સ્વામી સોમેશ્વરતીર્થની ચરણધૂલિનો સંસ્પર્શ થયો છે. શિક્ષણના ભેખધારી, ‘કૃષિઋષિ’ પૂ. છગનભા, કડીના સાહસિક ઉદ્યોગવીરો, મૂલ્યનિષ્ઠ રાજકીય નેતાગણ અને અહીંના ગુ.સાહિત્યમાં કેટલાક જાણીતા સાહિત્યકારો આ સૌએ કડીને ગૌરવાન્વિત કર્યું છે. કડીમાં જે ધર્મસંસ્કાર સિંચન થયું છે તેમાં ભક્તિસાહિત્યનું સર્જન કરનારા સ્વ. રવિશંકરભાઈ નાયક અને શ્રી મણિભાઈ નાયક આ બંને મહાનુભાવોનું પ્રદાન વિશિષ્ટ અને નોંધપાત્ર છે. એમના સર્જનમાં માતૃશક્તિની વંદના, સ્તુતિ, પૂજન-અર્ચનનાં લોકઢાળમાં રચાયેલાં ઊર્મિકાવ્યો છે. પદો-ભજનોમાં તો ભક્તની હૃદયોર્મિઓ સચ્ચાઈપૂર્વક સહજ અભિવ્યક્તિ પામી છે, ને તે તેનું ખરેખર ઉલ્લેખનીય જમાપાસું છે.શ્રી મણિભાઈ આત્મારામભાઈ નાયકનો જન્મ કડીનગરમાં તા. ૧૧-૬-૧૯૨૧ના રોજ થયેલો. તેમનાં ભક્તિપરાયણ સહધર્મચારિણી સમરથબહેન (સમુબહેન) મધુરકંઠે માનાં ભજનો ગાય છે. નાયકવાસના ‘શક્તિ બાલમંડળ’માં ‘રવિરામ’ અને ‘મણિ’ભાઈનાં ભાવનિતરતાં ભજનો ગવાય છે. તેમાં પણ મણિભાઈનાં ભજનો-પદો તો પૂ.શ્રીદેવીબાના વિશાળ ભક્તસમુદાય થકી સમસ્ત ગુજરાતમાં તેમજ દેશ-પરદેશ સુધી પહોંચી ગયાં છે.
ગત વરસે ગુરુપૂર્ણિમાના શુભદિને કડીના વતની અને હાલમાં લંડનસ્થિત ડો. પુષ્કરભાઈ આવેલા અને તેમણે ‘મણિમાનસહંસિકા’ની બીજી આવૃત્તિના પ્રાગટ્ય માટે એમનાં માતૃશ્રીની પુણ્યસ્મૃતિ-નિમિત્તે આર્થિક સહયોગ આપવા તત્પરતા બતાવેલી. તેનો રાજરાજેશ્વરી પીઠમ્-કડી-એ પૂ.શ્રીદેવીબાની અનુમતિથી સહર્ષ સ્વીકાર કર્યો છે, ને આ રીતે આ પુસ્તક આપણા સૌની પાસે હવે હાથવગું, હૈયા વગું બની રહેશે.

Recent changes:
Bug fixes and performance improvements