OT union hub

«OT union hub» нь Оюу Толгойн орон нутгийн ажилчдын үйлдвэрчний эвлэлийн хорооноос гишүүддээ зориулан гаргасан гар утасны аппликейшн юм. Эвлэлийн хороо нь уурхайн ажилчдын хөдөлмөрлөх эрх, аюулгүй байдал, нийгмийн баталгааг хамгаалах чиглэлээр ажилладаг, бүртгэлтэй бие даасан байгууллага.

Урьд нь эвлэлийн байранд биечлэн очиж гүйцэтгэдэг байсан үйлчилгээг цахим хэлбэрт шилжүүлж, гишүүдэд мэдээллийг шуурхай хүргэх зорилготой.

Үндсэн боломжууд

Мэдээ мэдээлэл. Хорооны үйл ажиллагаа, зарлал, шийдвэрийг цаг тухайд нь хүлээн авна. Шинэ мэдээ нийтлэгдэхэд мэдэгдэл ирнэ.

Гишүүнчлэл. Гишүүнээр элсэх хүсэлтээ цахимаар илгээнэ: мэдээллээ бөглөж, гэрээтэй танилцаад, дэлгэц дээр гарын үсгээ зурна. Хүсэлтийн явц, шийдвэрийг аппаас хянана.

Цахим үнэмлэх ба гэрчилгээ. Гишүүний үнэмлэх, гэрчилгээгээ хэдийд ч нээж харна. Үнэмлэх дээрх QR кодыг уншуулж гишүүнчлэлийн баталгааг шалгуулна.

Гишүүнчлэлийн татвар. Төлөгдөөгүй саруудаа болон төлөлтийн бүтэн түүхээ харна. Төлбөр бүртгэгдэхэд мэдэгдэл ирнэ. Татварыг эвлэлийн ажилтанд бэлнээр төлөх бөгөөд аппликейшн дотор төлбөрийн үйлдэл байхгүй.

Судалгаа, санал асуулга. Хорооноос явуулж буй судалгаанд оролцож саналаа өгнө.

Олон нийтийн булан. Гишүүд хоорондоо санал бодлоо солилцож, мэдээлэл хуваалцана. Зөвхөн батлагдсан гишүүд нэвтрэх боломжтой бөгөөд агуулгыг хорооны ажилтнууд хянана.

Санал хүсэлт. Өргөдөл, гомдол, саналаа илгээж, шийдвэрлэлтийн явцыг дагана.

Хууль эрх зүй. Хамтын гэрээ, дүрэм журам, хөдөлмөрийн эрх зүйн баримт бичигтэй танилцана.

Хэнд зориулагдсан бэ

Уурхайн ажилчид, эвлэлийн гишүүд, түүнчлэн гишүүн болохыг хүсэж буй хүмүүст зориулагдсан. Ашиглахын тулд утасны дугаараар бүртгүүлж нэвтэрнэ. Баталгаажуулах код зөвхөн Монголын гар утасны дугаарт хүрнэ. Гишүүний үнэмлэх, гэрчилгээ, татварын мэдээлэл, судалгаа, олон нийтийн булан зэрэг хэсэг батлагдсан гишүүдэд нээлттэй.

Хэн нийтэлсэн бэ

Энэхүү аппликейшныг эвлэлийн хорооны захиалгаар «Альфа фокс солюшн» ХХК хөгжүүлж нийтэлсэн. Апп доторх бүх агуулгыг эвлэлийн хороо бүрдүүлж, хариуцна. Энэ нь уурхай ашиглагч компанийн апп биш юм.

Тусламж, дэлгэрэнгүй мэдээлэл: https://union.evlel.mn/support

Recent changes:
1.1.2 хувилбарт:
• Харьяалал сонгох: тойрог, хэлтсээ аппаас шууд сонгоно
• Анкет: элсэлтийн анкетаа бүтнээр нь үзээд гарын үсгээ аппаар зурна
• Нүүр хуудсанд эвлэлийн нийт гишүүний тоо
• Татварын түүх: «Цааш үзэх» товч, «Өмнө барагдуулсан» сарууд харагдана
• Санал хүсэлтийн шинэ төлөв: Хүлээгдэж байна / Шалгаж байна / Шийдвэрлэгдсэн
• Мэдэгдэл дээр дарахад холбогдох хуудас руу шууд орно
• Мэдээн дэх холбоос, сэтгэгдлийн ачаалалт сайжирсан
• Бусад алдаа засвар