తాము బ్రతుకుతూ మిగిలినవి బ్రతకడానికి సహకరించడం ఉత్తమ జీవుల లక్షణం. మొక్కలు బ్రతుకుతూ ప్రపంచానికి ప్రాణ వాయువును ఇస్తున్నాయి. అలాగే వాటి ఆహారం అవి తయారు చేసుకుంటూ, జీవులకు ఆహారాన్ని ఇస్తున్నాయి. మరి ఆదిమానవుడు నుండి మహోన్నతుడుగా ఎదిగిన మనిషి , తాను బ్రతుకుతూ ఏమిస్తున్నాడు? అనే ఆలోచన మనిషి లో మొదలై ఆ ఆలోచన నుండి ఉద్భవించినదే ' సేవా భావన'.
సేవానిరతి, సమయం, సేవ చేసే శక్తి ఉన్నవారు సేవా కార్యక్రమాలు నిర్వహిస్తే! దాతృత్వంతో సంపద ఉన్నవారు ధనసహాయం విరాళాల రూపంలో అందించినప్పుడే స్వచ్ఛంద సేవకులు, స్వచ్ఛంద సేవా సంస్థలు వారి ఆశయాలకు అనుగుణంగా దీనులను, అవసరాలలో ఉన్నవారిని ఆదుకుని వారికి సేవ చేయడం ద్వారా ప్రకృతిని, సమాజాన్ని పరిరక్షించి, ధర్మరక్షణ చేయగలుగుతారు. సేవ ఒక గొప్ప కార్యం అయితే! సేవ చేసే వ్యక్తులకు, సంస్థలకు సహకరించడం, ప్రోత్సహించడం ఇంకా గొప్ప కార్యక్రమం అవుతుంది. ప్రోత్సాహం, సహకారం లేకపోతే ఎవరూ ఏ కార్యక్రమం చేయలేరు. కాబట్టి స్వచ్ఛంద సేవా సంస్థలకు (NGO'S) స్వచ్ఛంద సేవకులకు (వాలంటీర్లు) ప్రోత్సాహం, సహకారం అందజేయడం కోసం ' వారధి డోనర్స్ క్లబ్'(VARADHI DONORS CLUB) ను ప్రారంభించడం జరిగింది.