Agro TV Azerbaijan

Agro TV Azerbaijan” 2022-ci ilin iyun ayından etibarən ölkəmizdə fəaliyyətə başlayan Azərbaycanın ilk və tək kənd təsərrüfatı kanalıdır. Kanalımızda yayımladığımız “Aqrar baxış”, “Kənd festivalı”, “Meyvəçilik”, “Sərgidən”, “Aqrar yeniliklər”, “Pambığın dəyəri”, “Heyvandarlıq” və s. kimi proqramlarımız ilə fermerləri ayrı-ayrı sahələrdə maarifləndirməyə, sektordakı yeniliklər ilə mütəmadi olaraq məlumatlandırmağa çalışırıq.
Fəaliyyətimiz bununla da bitmir. Ötən ilin noyabr ayında ilk nömrəsi işıq üzü görən “Agro jurnal” adlı nəşrimiz ilə Azərbaycanın, eləcə də, dünyanın kənd təsərrüfatı sektorundakı qabaqcıl şirkətlərin işlərini işıqlandırmaq, onları tanıdaraq tətbiq etdikləri yenilikləri öyrənmək və aqrar sektorda qarşılıqlı əlaqələrin genişləndirilməsinə xidmət etmək əsas məqsədimizdir. Həmçinin cari ildə kənd təsərrüfatı sektoruna növbəti töhfəmiz Azərbaycanda ilk dəfə təşkil olunan və dünyanın qabaqcılıq kənd təsərrüfatı şirkətlərini bir araya gətirən “Beynəlxalq Aqro Biznes Forum” olmuşdur.
Kənd təsərrüfatı sahəsində ixtisaslaşmış media qrup olaraq agrotvazerbaijan.az saytı ilə də  sektorda baş verən hadisələri, yeni xəbərləri izləyicilərimizə daha operativ şəkildə çatdıra bilməyi hədəfləyirik.