IJRO.GOV.UZ

Ijro intizomi nazoratini ta’minlovchi elektron hujjat aylanish tizimi. Tizim xodimlarga hujjatlar ustida birgalikda ishlash imkonini beradi. Shuningdek, hujjat aylanishi va topshiriqlar ijrosi nazoratini avtomatlashtirish uchun tayyor vositalarni taqdim etadi.

Elektron hujjat aylanish tizimining asosiy funksiyalari

Elektron hujjat aylanish tizimining asosiy funksiyalari quyidagilardan iborat:
— hujjatlarni ro’yxatga olish;
— hujjatlar ijrosini nazorat qilish;
— qog’oz va elektron hujjatlar harakatini nazorat qilish, hujjatlar bilan ishlash tarixini yuritish;
— hujjat rekvizitlarini yaratish va tahrirlash;
— korxona hujjat aylanishi bo’yicha hisobotlar shakllantirish;
— hujjatni bevosita tizimda yaratish;
— hujjat versiyalari, murakkab ko’p komponentli va turli formatdagi hujjatlar hamda ilovalar bilan ishlash;
— hujjatlarni elektron tarzda tarqatish;
— hujjatlar bilan papkalarda ishlash;
— ma’lumotlarga kirish va hujjatlarni qayta ishlash xarajatlarini kamaytirish.

Elektron hujjat aylanishining afzalliklari

Elektron hujjat aylanishining asosiy afzalliklari quyidagilar:
— hujjatlarning elektron arxivda markazlashgan, tuzilmalashgan va tizimlashtirilgan holda saqlanishi;
— chop etish, pochta orqali jo’natish va qog’oz hujjatlarni saqlash xarajatlarining kamayishi;
— hujjatni shakllantirish va qayta ishlash tartiblariga (ro’yxatga olish, kelishish va boshqalar) yagona yondashuv;
— hujjatlarni yetkazib berish, ro’yxatga olish va kelishish vaqtining qisqarishi;
— hujjatlarning tez imzolanishi;
— hujjatlar bilan kecha-kunduz onlayn rejimda istalgan amalni bajarish (qidirish, yuklab olish, chop etish, solishtirish, rad etish) hamda ularning harakatini kuzatib borish imkoniyati;
— hujjatlarni tezkor qidirish;
— tashkilot hujjatlarni chop etmasdan, elektron arxivda saqlashi mumkin;
— zarur bo’lganda arxivdagi hujjatlarni chop etish mumkin.