Makina Ime

Ç’është ky aplikacion?

Në këto kohë dixhitale, sidomos në pesë vitet e fundit, edhe lëvizshmëria po
zhvillohet me ritme të shpejta, falë risive teknologjike (makinat elektrike, ato me
vetkontroll, inteligjenca artificiale etj.)  

Në këtë drejtim, edhe Porsche Albania, kompania më prestigjioze në tregun
automobilistik shqiptar, gjeti rrugën dhe mënyrat për të qenë lider edhe në
inovacion.

Aplikacioni “Makina Ime” është krijuar prej vitesh nga Porsche Albania, por për
t’iu përgjigjur kërkesave të klientëve dhe nevojave për të zhvilluar më tej biznesin,
ne investuam në 2019-ën për një version më të avancuar teknikisht, vizualisht si
edhe në përdorim, “Makina Ime 2.0”.

Ky aplikacion do t’i përmbledhë në një ikonë të vetme të gjitha nevojat e
klientëve: informacioni mbi tregun e automjeteve, blerja e një makine të re,
përllogaritja e financimit, makinat e përdorura dhe taksa e importit për to,
planifikimi i servisit të makinës, pagesat e parkimit online e shumë të tjera.

Fokusi ynë kryesor është konsumatori, përditshmëria e tij, lëvizshmëria, si dhe
gjithë informacioni që lidhet me të.

Tashmë klientët tanë kanë në dorë një mjet që u ofron komunikim të dixhitalizuar
e të përqendruar, gjithçka në një aplikacion të vetëm në telefonin e tyre.

Ky aplikacion nuk është vetëm për klientët tanë, por për të gjithë njerëzit,
që si bazë kanë lëvizjen dhe si dëshirë, dixhitalizimin.

E ardhmja juaj nëpërmjet “Makina Ime” është tani!

Bëhu edhe ti njëri nga Ne!
Unë e kam, po ti?