Sonsgol

Сонсгол апп Сонгуульд оролцож буй нам, нэр дэвшигчид сурталчилгааны хугацаанд аль болох олон сонгогчтой уулзаж, намын үзэл баримтлал, хөтөлбөрөө танилцуулж, сонгогчдын санал, хүсэлтийг хүлээн авч шийдвэрлэхийг зорьж байна. Гэхдээ сурталчилгааны хугацаа богино, газар нутаг том бол бүх сонгогчидтой тэр бүр уулзах боломжгүй. Энэ асуудлыг хялбархан шийдвэрлэх Сонсгол аппликейшныг нийт сонгогчид болон сонгуульд өрсөлдөж буй намуудад санал болгож байна. Манай апп нь сонгогчдод цаг хугацаа, орон зайнаас үл хамааран өөрийн үзэл бодол, санал бодлоо нэг товчлуур дээр дарж видео мессеж хэлбэрээр илгээх боломжийг олгодог. Ингэснээр манай системд сонгогчдын санал, сэтгэгдлийг олон тооны видео стрим хэлбэрээр цуглуулж, хиймэл оюун ухаанд суурилсан систем маань тэдгээрийг ангилж, дүн шинжилгээ хийх нэгдсэн мэдээллийн сан үүсгэх юм. Манай бүтээгдэхүүн, үйлчилгээг ашигладаг талууд болон тэдний нэр дэвшигчид энэ мэдээллийн сангаас хариу өгөхийг хүссэн мессежээ хялбархан сонгож, видео тайлбар өгөх боломжтой. Ингэснээр сонгогч бүрийн санал бодол алдагдахгүй, харин намын өндөр албан тушаалтнууд болон видео сэтгэгдэл илгээсэн сонгуульд нэр дэвшигчид өөрсдийн нүүр царай, дуу хоолойгоор хариу өгөх болно. Сонгогчдын илгээсэн видео сэтгэгдэл+нэр дэвшигчийн хариу бичлэг= Сурталчилгааны шинэ контент Энэхүү шинэ контентыг нам болон нэр дэвшигч өөрсдийн болон олон нийтийн сүлжээгээр цацах нь сонгуульд нөлөөлөх маш сонирхолтой шинэ контент байх болно.