Tammoum

تمّوم بيشيل عنك. احكيله شو بدك تعمل، وهو بيكتب، بيرتّب، وبيذكّرك.

احكيها وخلص
قول مهمتك بصوتك وبلهجتك، متل «ذكّرني بكرا الساعة ٤ أجيب الولاد»، وتمّوم بيفهم الوقت والتصنيف وبيحطها بمكانها.

يومك كله قدّامك
مهام اليوم، المتأخرة، واللي جاي، كلها بشاشة وحدة. ثبّت المهم فوق، وشوف أسبوعك بلمحة.

مواعيدك من تقويمك
وصّل تقويمك وتمّوم بيجيب اجتماعاتك ومواعيدك لجنب مهامك، مع رابط الاجتماع إذا في.

تذكير بالوقت المناسب
تذكير لكل مهمة بوقتها، وملخّص الصبح بكل اللي عليك، بكلام قريب منك مش رسايل جافة.

تصنيفات على كيفك
شغل، بيت، مشتريات، صحة… كل مهمة بلونها، وفلترها بكبسة.

رفّك، كل اشي بمكانه
مجلدات لكل اشي: ملاحظات، روابط بصورها، قوائم بتتشطّب، صور، ملفات وتسجيلات. شارك من أي تطبيق لرفّك مباشرة.

تمّوم بلس
الأساسيات ببلاش: المهام، التذكيرات، التقويم، و٥ تصنيفات، ومجلدات وملاحظات وروابط على الرف.
مع تمّوم بلس بتاخد:
• تحكي مهامك بصوتك
• مهام بتتكرر: كل يوم، كل أسبوع، أو على كيفك
• ترفق صور وملفات للمهام
• قوائم وصور وملفات وتسجيلات على الرف
• تصنيفات بلا حدود

أول ٧ أيام ببلاش، بعدها اشتراك شهري أو سنوي.

عن الاشتراك
• تمّوم بلس اشتراك بيتجدد تلقائياً، شهري أو سنوي، بالسعر المعروض بالتطبيق.
• المبلغ بينسحب من حساب Apple ID عند تأكيد الشراء، أو بآخر الفترة المجانية إذا بلّشت بتجربة.
• الاشتراك بيتجدد تلقائياً إلا إذا وقّفت التجديد قبل نهاية الفترة الحالية بـ ٢٤ ساعة على الأقل.
• بتقدر تدير اشتراكك وتوقّف التجديد من إعدادات حساب Apple ID بعد الشراء.
• الفترة المجانية مرة وحدة لكل Apple ID، وأي جزء ما استعملته منها بيروح إذا اشتركت قبل ما تخلص.

شروط الاستخدام: https://tammoum.com/ar/terms
اتفاقية الترخيص: https://tammoum.com/ar/eula
سياسة الخصوصية: https://tammoum.com/ar/privacy